28/08/2010
مغامرات في بحر التدوينات (1)
"
"
*~السلام عليكم ورحمة الله ~*
الصراحه ماني عارفه ايش اكتب
لاني كل مره افتتح مدونه << ايه هذي مو اول وحده
يمكنها الخامسه او السادسه ..لاتناظرون تسذا مو ذنبي
القصه كل مافيها كل مافتح مدونه وابد ادون يجيني احباط
وانقطع عن المدونه كلها وانساها هي واميلها وعفشها كلبوها علي بعضها 
ثم ترجع حليمه لعادتها القديمه يرجع الطفش والنت ملاقي فيه شيء ثم افكر من جديد بمدونه
ارجع احاول افتحها ماترضي بالقوه بالطيب ماترضي
انسي الاميل عن بكرت ابوه << الله يستر مانسي اميل المدونه هذي بعد 
المدونه الاوله الوحيده الي كنت اكتب فيها وبحماس لانها جديده << وهذي ان شاء الله
كانت اغلب كتاباتي عباره عن خواطر ومحاولات بسيطه لشعر الحديث << مصدقه نفسها كاتبه
مير عاد طفشت وقفلتها واصبحت تراث مندثر .. المدونه الي بعدها والي بعدها كانت بس قالب فاضي
كل يوم اغير الاستايل ولا واحد عجبني
والي قبل هذي كانت فيها نشاط حلو 
تصاميم وتصوير وكتابات واعمال << وضاع كل شيء
تصاميم وتصوير وكتابات واعمال << وضاع كل شيء
بسبب غلطه بسيطه كنت اعدل في الاكواد ونسيت احفظ الاكودا قبل ماتعبث فيها << ماعندها اي خبره في
الاكواد ذاك الوقت 
ضغطت حفظ ومادريت ان المصيبه قد اقبلت وضغطنا معاينه ويم شفتها مسكت قلبي
واخذت اعيط واعيط 
<<دراما مصريه 
<<دراما مصريه
راح كل حاقه في مهب الريح 
وحاولت ارجع المياه لمجاريها بس بدون جدوي السيل كان عارم وقوي
علي العموم قصصي مع التدوينات بكثر زبد البحر 
مع الايام راح اكتب باقي المغامرات 
"
هالحين دخل وقت الصلاة بروح اصلي وادرعم علي المطبخ خبركم حنا في رمضان
والفطور ينتظر من يضبطه 
ودي لكم//
الاشتراك في:
الرسائل (Atom)