واجب تدويني // الاسئله الاستفزازيه

السلام عليكم ورحمة الله 

يسعدلي صباحكم ومسائكم 

    

واجب تدويني    تونا نقول ياهادي 

 اخوي شقاوي الا يرجعنا للواجبات غصب 

الله يعطيه العافيه 

الواجب عباره عن الاسئله الاستفزازيه الي تجي بالوجه ومدري ايش تبي 

 قبل ماقول الاسئله الي تستفزني  ملاحظه بسيطه 

انا من النوع الي يسمع اذا اعجبني الكلام رديت 

واذا ماعجبني دخلت مع اذن وطلعت مع اذن ثانيه 

يعني ماتاثر كثير بالكلام 

يعني الي يبي يستفزني  يحسب حسابه انه راح هو يفقد اعصابه 

اخواني اخواتي الأعزاء هل انت/انتي من النوع الذي يحب 

التدخل في شؤون الاخرين؟

بعض الناس تسآل آسئلة خاصة جدآ وتتدخل في خصوصيات الآخرين برآيك ماهي أكثر الأسئلة التي ممكن ان تستفزك؟

بكل صراحه  اكره ماشوف في حياتي التدخل بشؤن الاخرين  ولااحب احد يدخل بشؤني 

حتي لو كان الشخص عزيز وغالي لايمكن ادخل بشؤنه  ممكن اسال عنه اذا يحتاج مساعده  او محتاج يفضفض 

لاكن بالاخير اترك القرار له وحده لاكن ادخل انا لا

اما بالنسبه للاسئلة الاستفزازيه ::

و اكثر الاسئله الي تجيبلي الجنون واعصب منها 

• اذا كلمك احد  علي الجوال وقالك وشخبارك مليون مره   << طيب قلت بخير ليه يعني بتتغير اخباري بظرف ثواني 
• اذاطالعه  ولابسه العبايه خلاص  وباين اني طالعه << انتي خارجه  }} لا داخله 
• او جالس تاكل شيبس ولا اي شيء << ايش تاكل  ؟؟  مدري مايشفون ولا ايش 
• اذا طلبت شيء من احد وقالك  تبيه ؟؟ لا مابيه ليش طلبته اجل اذا مابيه  
•  ولا تكون منسجم مع فلم ولا برنامج علي التفي ويجيك واحد ملقوف  << متابع الفلم ولا اغيره  }} يعني كل  هالتركيز وماتبعت 
• كم الراتب ؟؟ اخوك موظف  انتي موظفه << شوي ويسالون عن  رقم  حسابات العائله كلها 
• ولا يجيك بخشتك وش لابسه اليوم  << مادري خيشه الظاهر او  كيس  << يعني ماتشفون ايش لابسه 

والاسئله كثيره  لاكن هذا الي حظر في بالي 

والله يخارجنا من هالاسئله 

<< قريتو الي كتبت ؟؟ سؤال مو استفزازي 

 وهالحين نحول الواجب علي مين ؟؟

• احساس 
• سلتوح 
• тốồмαђ
• باقي امل
• ايمان 
• بكري احلي 
• فهد السديري
• سناء الايمان     

  ماخليت احد  والي يمر من هنا يحله