السلام عليكم ورحمة الله
وشلونكم واخباركم 
وحشتووني برشا برشا 
وبمناسبة عودتي الكريمه لاراضي الوطن الحبيب قصدي ارض الحلم 
قررت انا والعياذ بالله من كلمة انا 
راح اسو لفلكم واكتبلكم روايتي ومغامرات حضرتي في البر 
في ذالك اليوم الجميل حيث كانت الغيوم تملئ السماء وبروعتها الخلابه == متعوب عليه الاسلوب 
قررت عائلتي الكريمه الذهاب لطعمسه 
,
,
وشلنا انفسنا وهب طبينا بالسياره 
وياسلام علي طلعت البر مع ذاك الجو بعد المطر
وطبعا مانسي ابد كاميرتي القميله 
وحنا نتوغل >> اووخص يانتوغل علي بالي بادغال افريقيا كلها صحراء ورمل
اووخص يانتوغل علي بالي بادغال افريقيا كلها صحراء ورمل
اخذت كم صوره لسماء
يجنن الجو صووح وهنا نطعمس من طعس لطعس == قصمان لازم التطعيس 
وفي غمرة فرحنا 
ونصعد ذالك الطعس ومن هذا الطعس غرزنا 
ملاحظين مو خطيره بالبدايه يعني الوضع ايزئ مره واخذنها وناسه
وكم شويت دفه مع حفره صغيرونه ونطلع
الي الان الوضع عادي جدا جدا ومايخوف
والوناسه مستمره
شمرنا عن ذرعاننا وبدينا بالحفر 
ونحفر ونحفر ونحفر 
والشمس جاها النوم وتبي تناام 
وحنا بالبر عالقين 
وهنا بدت مرحلة الخوف
وبدينا نحفر بشكل عشوائي واحد يقول اخفرو شمال والثاني يقول شرق وغرب
الين تعلقت السياره وغرزت اكثر واكثر بس قبل المغربيه بشوي مر علينا راعي جيب ومعه اهله
وجلس يحفر معنا ويسحب وقلنا خلاص بنطلع
مير ان الحبل الي يسحبنا فيه انقطع
وغابت الشمس قال بروح اودي اهلي وارجع مع مساعده
وررررررررررررراح وحنا عيوننا تترقبه ومليانه دمووع == دراما 
ومع زيادة الخوف بالظلام جلسنا نحفر كلبونا من غير شعور
الكل يد واحده للحفر الا انا جالسه اصور
خفت يجيني كف وانا اصورهم وهم يحفرون
وبعد الساعه 7 ونص بشوي مرنا راعي ددسن معه اهله قال بيساعدنا
بس غرز هو وصار يبي احد يساعده معانا
وطار امل المساعده
ورجعنا نحفر من جديد
وجتنا مساعده ثالثه راعي الجمس جانا وقلنا خلاص هانت جمس راح يطلعنا
لاكن يابو زيد ماغزيت 
وماقدر يطلع جمسنا رغم كل المحاولات
ولاحت بوارق الامل مره ثانيه بعودة راعي الجيب الاول
يوم قطعنا الامل بعودته
وعادو للحفر والسحب الجيب والجمس مع بعض لاكن كلها محاولات فاشله
وبداء صوت الرعد والبرق من ورانا يقرب شوي شوي
ومر علينا جيب ثاني وصارو جمس وجيبين
وقلنا راح نطلع خلاص لاكن راعي الجيب الثاني راح وتركنا
لاكن راعي الجيب الثاني راح وتركنا 
قلنا ماعندهم تعاون وحب المساعده لاخوانهم المسلمين المغرزين بالبران
وشوي مير يرجعون ومعهم عدت الحفر == ظلمناهم
وذبحنا البرد بالبر والساعه صارت 8 وحنا مازلنا نتطلع الي الانقاذ
والساعه صارت 8 وحنا مازلنا نتطلع الي الانقاذ
مير اختي تذكرت رقم الدفاع المدني == بدري مره تذكرت 
ودقينا عليهم وطبعا جلسو يضحكون شوي علينا ويعاتون علينا اننا طلعنا مثل هالجوء 
اذا ماطلعنا هالحين متي نطلع بالصيف مثلا 
قالو ثواني ونكون عندكم
وطبعا اتصلنا علي ولد خالي نطلب المساعده بعد لاننا تاخرنا مره الساعه 8 ياعالم والدنيا ظلام يخووووف البر مررره 
وفي لحظه ترقب وانتظار ودعاء باننا نطلع شفنا انوار من بعيد
الا وهي الدفاع المدني
وقبل مايوصلنا بثواني
راعي الجيب والجمس طلعونا 
بعد عناء وتعب من الحفر وفي لحه ماحد توقعها وهذي لقطه راعي الجيب الاول ولحظة ركوبنا لسيارتنا ومغادرت المكان بسلام
اول تجربه
لي بالبر بالليل
لي بالبر بالليل
وناااسه رغم انها كانت تخوف شوي
امي تقول توووبه تطلعون للبران مرتن اخري
بس قصمان مالنا غنات عن التطعيس 
وتوت توته خلصت الحتوته 
حمدلله على السلامه يالمطفوقه اشك انك انتي اللي كنتي تسوقين خخخخخخ
ردحذفوعقابك لك خلوك تحفرين بعد هههههه
بس والله جو خيالي وشاعري ليتني كنت معكم
<---براااا
حمدلله على سلامتكم مرتن اخرى ولاعاد تسوون فيها اكشن مره ثانيه هههه
اخوك نواف العتيبي
هع هع هع اللهم لاشماتة
ردحذفهههههههههههههههههه غرزو هههااي كككك غرزو
<< شكلي بتبقس
وااااااااو والله الجو باين علية خنطييييير يحقلكم تطعسو فذالجو
بس اكيييد ياحلوين بتغرزو لانه الطعس رطب < طيب جبت شي جديد
يالله اهو تغير جو وشوية اكشن وطلعات البر حلاوتها في صرفدتها وهجولتها
والله كفوو بالذيابة النشامة اللي فزعولكم
وسمعي كلام مامتك ولا تطلعون للبران مرتن اخري
والحمد لله على سلامتكم ياابطاال
هههههههَ الحمدْللهَ عَ سسلـأمتكمْ
ردحذفوربيُ تطعيسسسَه أليييمممهُ :o
<~ ذيسسُ مسستخدمْ يكرهُ البرَ بششدهُ ؛×
بسُ اتمنيتٌ احففففرٌ معآكمُ خخخَ
الحمد لله على السلامة
ردحذفورحلة رائعة جداً وخاصة مع الأجواء الممطرة الرائعة.
وبالعكس بعد المطر وفي البرد
التغريز يكون أقل بكثير من غيره.
لكن أتوقع أنكم طحتوا في رمال تسمى (ربّاضة) وهي فعلاً خطيرة والدليل أن فيه جيوب وجموس وما قدروا يطلعونكم يعني رحتوا وطي....هههه
وترى والله تصير معنى مثل كذا وأكثر لكن أهم شيء الأذكار وتنسيم الكفرات ووجود عدة في السيارة والواحد ما يغامر كثير خاصة إن كان معه عائلة.
بجد استمتعت بهالطلعة الجميلة والرائعة.
الله يصلحك بس ياحلوم ورى ماناديتيني اسوق واطلع سيارتك لاتستحين وانا اختك عادي >> لايكثر ذذ
ردحذفشسمه الجو خقــة اوب طبيعي والله
ماشاء الله عليكم عاد ماقصروا اللي افزعوا لكم
بس جد تخوف من النهار لليل ياشيخه لواني رايحه كعابي وصلت هههههههههه
ماننحرم منك عاد لاعمرك تغيبين لاافقع وجهك >> بتنقلب علي الظاهر هع
كنت هنا
السلام عليكم
ردحذفالحمد لله على السلامة ياعسل :)
يالبيه قصة طويييييييييلة الحمد لله عدت على خير
ههههههههههههههههههٍ
ردحذفايهً كذآ طلعت البرً و التطعيسٍ
وً اللهٍ تمنيت انيً معكمٍ
احسً حلوً جوًوً التغريـزً =P"
بسً ميرً الله يعآفيٍ رآعي الجيـبً الـأولً =)
ميرً اشهد انهٍ قدعً
يعني ثآني يقولً برجعٍ و يسحب عليكمً
بسً الحمداللهٍ قآبلوكمٍ رجآلٍ و النعمً فيـهمً
||
الحمداللهٍ ع السلـآمهً (FF)"
الي صآر لكمً لـأنكم مً خذتونيً معكمٍ
المره الجآيه خذوني بدآل امسٍ مدآمهآ هونت عن البرآنٍ خٍخٍخٍخٍ
امزح معسٍ :P
السلام عليكم ورحمه الله وبركاته
ردحذفحمدلله على سلامتكم
ههههههههه عشت جوكم يا فتاة ض1
جد لو انا مكان وحده من خواتك اقل شي هفيتك كف محترم و اطير كامرتك لمنّاك هههههههه
ربي يسعدك حبوبه
(=
ههههههههههههه ، الحمدلله على سلامتكم ض1
ردحذفبس صراحة موقف مآتحسدون عليه منووب ذذ
< خصوصا اللي جربوا مثل هالموقف ="(
/
يالله أهم شي صآر من الذكريات المضحكة خخخ
تصدقين لو اني معكم كاان اول ماطلعنا حطيت يدينكـ تحت الكفر ودست عليها هههههههههههه
ردحذفوالله شي يقهر الناس مغرزين وانتي تصووورين هههههههههه بس اتوق اتوقع انتي اكثر وحده حفرتي ههههههههه
المهم الحمد لله على سلآمتكم
ووشسمه مرتن ثانيه اختاري اوقاات زينه تصورين فيها هههههههههههه وحظك ماجاك شي منهم ههههههههه
ووش ذا الغيبه ياوخيتي :(
دمتي بوود ؛)
الحمد الله على سلامتكم
ردحذفرحله مليئه بالاكشنات والخقات
آمال الزهور
هههههههههههههه
ردحذفيالله والله لو انا اني اموت من الخوف .. مره اخاف البر باليل
بس الحمدالله طلعتوا من الشر ^^
والله يعافيه راعي الجيب الاول
الحمدالله على السلامة
ردحذفناطرين البوستات الياية
السلام عليكم
ردحذفرحلة موفقة اختى
ونحمد الله على سلامتك
وفى انتظار كل جديد لك غاليتى
اسال الله لك السلامة دائما وباقة ياسمين تعطر حياتك
تحياتى وتقديرى لك
على انها تدوينه قديمه بس حبيتها هههههه
ردحذفهههههه تدوم ضحكاتكم يارب << بدددددددري مره
ردحذفوربي اسعدتني طلتك وكنت اتمني انكم معي بالتغريزه
خخخخ مو علشان طلعوننا لالالا ابد بس للوناسه :P
يسعد الله قلوبكم :)